好男人

這是一篇同事轉寄的文章，from張小嫻，發人深省， 適合各界人仕參考。

我的半馬拉松....

時間為 2小時9分左右 (來源為我的電子錶)，看看大會記錄的有否出入。

在此恭喜各位參賽者，尤其是完成全馬的朋友，希望你聽日返到工(如果無請假的話)。

做足準備

經過新春假期一役，大家更明白"去迪土尼做足準備"的重要性，最重要是準備棉胎和睡袋，因為四點幾嘅大嶼山只有幾度， 仲要帶埋堂鋁梯去，方便爬過欄杆嘛。

昨天經過Starbucks, 聽見一個美國人與一個日本人的對話:

日本人: May I take the seat?

美國人: Sure, just help yourself。日本人，你來香港旅行嗎?

日本人: 不，總公司叫我駐香港已有十幾年啦。

美國人: 有沒有去香港的迪士尼玩玩? 我們攪得不錯呢!

日本人: 你忘記了東京也有迪士尼嗎? 香港那個丁屎咁die個，又有人帶細路響河邊同洗手盤小便，唔通貪佢污遭咩?

美國人: 你無睇新聞，呢幾日大把人爭住入場，香港政府又出地又出基建，仲要同上海爭崩頭要我哋開個Disneyland，嘿，都係我哋marketing勁，可口可樂，麥當奴，Nike，Starbucks，邊個唔係乖乖將金錢雙手奉上? 簡直係"不戰而屈人之兵"!

日本人: 果然美軍都有讀孫子兵法，所謂"攻心為上"，我國的"日本版", "別注版"產品也有異曲同工之妙，某藝能界人物着乜潮流就興乜，君不見MK，銅鑼灣的仔啲錢去哂邊度咩?

美國人: 失敬失敬，講到揾大陸佬啲錢，你由二次大戰開始都未停過，八十年代嚟香港更一擲千金，個個sales都講kombawa，不過近十年日本經濟衰退，少咗你吔嚟尖東，連中國城都執埋 。

日本人: 唉，當年我舊相好Mary同Lucy都去咗澳門揾食，諗起都有啲掛住佢哋。不過你放心，去年我們首相小泉純一郎解散國會再重組，成功推行郵政改革，日經平均指數大升，國人消費信心增強，經濟肯定重拾昇軌，看我大和民族再次稱覇!

美國人: 喂! 你以為自己拍足球小將做載志偉咩，你吔啲軍國主義陰魂不散，全靠小泉定時拜祭靖國神社，攪到中國韓國扯哂火。

日本人: 針對大陸攪事，你哋都有份啦，又中國威脅論，又要人民幣升值，如果唔係北韓有問題，又要顧住同大陸買貨啲零售商，布殊可能仲要囂張啲!

美國人: 我地本土人工貴到死，唯有去大陸做貨啦，雖然05年美中外貿逆差突破2,000億美元，但一嚟可以賣平啲減低通脹，二嚟啲廠佬淨係掛住接出口單做加工，做餐死都係賺小小，都冇諗過自已創做品牌，at the end of the day，中國人都係買翻來佬嘢，錢又係落我哋袋。

日本人: 無錯無錯，好似薄熙來話齋，中國出口8億件恤衫，才能換回一架Airbus A380飛機，你睇佢哋啲土炮Plasma，點同Sony, Hitachi比吖，中國人做到死吓死吓，始終走唔出 labour intensive 嘅窠臼。

美國人: Hey man, 如果唔係我吔駛乜推銷中國威脅論? 眞係有威脅架，聽講佢哋第十一個五年計劃要推動內部需求，以本地消費帶動經濟，又睇吓點。講咗咁耐有啲口乾，叫多杯Americano Decaf skim milk 先再傾。