香港這個國際金融大都會，天天都有人告訴你要理財投資，問你知唔知退休要有幾多錢，這本是好事，可惜應運而生的是一大班財經演員:
"前兩日大市己大幅調整，今日滙控有機會搏反彈" (咁點為之小幅調整?)
"XXX值搏率不錯，目標價3.5, 止蝕位2.9。"(總之正負20%左右)
"因為ABC, 所以這隻股可以看高一線"
(ABC可以是:中央政策, 美元勢弱, 息口見頂/未見頂,基金買盤/震倉/洗倉/金手指,出現超買/超賣,炒落後,資金市,宏觀調控,中國加入WTO,人民幣升值,etc)
其實只要你識中文字同數字就可以講(寫)以上的"分析"，如果聽一句少於10秒的分析便可以有錢賺的話，我聽日就辭職，當底褲同你玩。
如果該"分析員"可以一聽你的冧把就可以作出正確comment，佢應該好勁，早應被大摩美林高薪挖角，唔駛出嚟拋頭露面聽小股民的電話。(請不要侮辱分析員這個名稱)
如果你認為他們的"專業意見"信得過，一年後係仲有錢上網睇我個blog的機會應小於20%。
如果你要解讀他們的"分析"，請看原復生的<<原氏物語>>，或看看孔少林和方卓如，好過看我發up phone。
點解咁慶? 你響茶餐廳食早餐時想靜靜地嘆杯茶，偏偏無綫亞視都做同一舊垃圾，你慶唔慶?
No comments:
Post a Comment